Procesi i votimit në SHBA për zgjedhjet presidenciale ka nisur që në orën 6 të mëngjesit, sipas asaj lokale. Kështu në shumë zona të Bregut Lindor është votuar.
23: 25 Prezencë e lartë Policie përballë kullave “Trump”
Kulla Trump, të cilën Donald e quan edhe “shtëpi” edhe “punë”, po ruhet nga një linjë e gjatë kamionësh të mbushur plot me rërë… me qëllim që të mbrohet nga aktet terroriste.
Makinat e Departamentit Sanitar i NYC u shfaqen të Martën paradite, duke krijuar një barrierë që të minimizojë efektet e një akti terrorist me mjete eksplozive, thanë forcat e ruajtjes së ligjit.
Zëdhënësi i Departamentit të Sanitetit tha gjithashtu se kamionë të tillë janë vendosur edhe në Hotel Peninsula, në Hotel Hilton dhe Qendrën Jevits; por me disa qëllime.
Gjithashtu ka një prezencë të lartë Policore jashtë kullës dhe Hotel Hilton në NYC- aty ku Donald ka planifikuar të festojë në rast fitoreje.
22:35
Një gjykatë në Nevada ka refuzuar kërkesën e avokatëve të Donald Trump për të veçuar votat e votimit të parakohshëm. Gjithashtu avokatët e Trump pretenduan se qendrat e votimit janë mbajtur dhe disa orë pas orarit zyrtar.
20:28 Radhë të gjatë votuesish
Me dhjetëra milionë amerikanë po presin në radhë të gjata para qendrave të votimit për shkak të mos funksionimit të herë pas hershme të pajisjeve që mundësojnë procesin e votimit.
“Usa Today” raporton gjithashtu se deri tani ka pasur disa shenja dhunë apo kanosje të votuesve.
Probleme ka pasur në Florida, Karolinën e Verout, Pensilvani si dhe në shtete të tjera që do të përcaktojnë se cili do të jetë fituesi mes Hillary Clinton dhe Donald Trump.
20:00 Djali i Donald Trump bën një gabim të madh pas votimit
Djali i Donald Trump ka qenë një nga votuesit më të zjarrtë sot në Shtetet e Bashkuara, kur i ati i tij është në garë për President, por ka bërë një gabim të madh.
Ai ka plotësuar formularin dhe ka postuar në Twitter një foto të tij.
Ky veprim është tërësisht i ndaluar në SHBA dhe NYMag.com shkruan se një foto e votës mund të gjobitet me 1,000 $ deri në një vit burg.
19: 53 Hillary Clinton merr fitoren e parë në garen presidenciale
Kandidatja demokrate Hillary Clinton ka deklaruar fitoren e saj të parë në zgjedhjet presidenciale të Shteteve të Bashkuara të Amerikës.
Bëhet fjalë për ishullin e vogël Guam, në perëndim të Oqeanit Paqësor.
Ky ishull ka një popullsi prej 165 mijë banorë. Clinton mori 71.6% të votave kundrejt rivalit të saj republikan Donald Trump që mori 24.2%.
18:53 Trump nis betejën ligjore
Kandidati Republikan, Donald Trump shkaktoi mjaft zemërim me hezitimin e tij për të deklaruar se do të pranonte humbjen në zgjedhjeve.
Kur nuk është mbyllur ende votimi, avokatët e Trump i janë drejtuar gjykatës së shtetit në Nevada, pasi kanë pretendime për votat e parakohshme.
Gjithashtu, ata kanë hedhur në gjyq dhe dy persona të cilët kanë mbajtur qendrat e votimit dy orë përtej orarit zyrtar, raporton CNN.
Të gjitha këto veprime shihen si strategji e Trump për të përsëritur atë që ndodhi në Florida në vitin 2000.
17:10 Voton Donald Trump. Ai ka votuar në qendrën pranë shtëpisë së tij në New York, disa orë pas rivales së tij Hillari Clinton.
Duke folur më parë me telefon për “Fox News”, ai tha: “Unë shoh kaq shumë shpresa dhe ëndrra aty jashtë që nuk janë realizuar, që mund të ishin realizuar, me udhëheqje, me lidership, me udhëheqjen e duhur dhe njerëzit janë lënduar keq”.
14:54 Arrestohen dy gra, dolen topless ne qendrat e votimit ne proteste ndaj Trump
Dy gra jane arrestuar ne Sharon teksa dolen topless ne shenje proteste ndaj kandidatin republikan Donald Trump, qe eshte akuzuar nga rivalet si seksist dhe se ka ngacmuar seksualisht ish-punonjeset.
Keto me poshte jane momentet e arrestimit te tyre.
14:30 Çifti Clinton voton në Nju Jork
Hillary dhe Bill Clinton u janë drejtuar kutive të votimit në qendrën e tyre të votimeve në Nju Jork.
Ata janë filmuar teksa hedhin votën e tyre, ndërkohë që mbeten edhe 7 orë nga mbyllja e votimeve në Bregun Lindor.
13:11 – Qytetarët amerikanë mbajnë radhën në qendrat e votimeve
Qytetarët amerikanë në Bregun Lindor kanë nisur tashmë që të rrështohen në qendrat e votimeve.
Këto janë fotot e para të qëndrave të votimeve në Lindje të SHBA-ve, teksa votimi ka nisur tashmë.
12:50 – Nis votimi në zonat e Bregut Lindor të SHBA-ve, Clinton favorite
Ka nisur votimi në shume zona të Bregut Lindor në SHBA. Kështu, Hillary Clinton vazhdon të kryesojë në sondazhe me 46 %, ndërsa Trump ka 42 %.
Ndërkohë, zëvëndësi i Clinton, Tim Kaine ka shkuar në qendrat e votimit për të votuar.
