Fushata zgjedhore në SHBA vijon të ashpërsohet edhe më shumë teksa afron data e zgjedhje. Në një kohë kur ka mbetur më pak se një muaj nga zgjedhjet presodenciale të nëntorit, skuadrat elektorale të republikanit Donald Trump kanë intesifikuar takimet me qytetarët.
Në kuadër të fushatës zgjedhore, grupet elektorale të Trump do të zhvillojnë takime edhe me shqiptaro-amerikanët.
Pjesë e skuadrës së Trump është edhe artistja shqiptare, Bleona Qerreti, e cila prej vitesh ka deklaruar që mbështet Trump dhe ka punuar në fushata elektorale për republikanët.
Qerreti u kërkon shiptaro-amerikanëve që në zgjedhje nëntorit të mbështesin Donald Trump për President të SHBA.
Po ashtu, pjesë e takimit do të jenë ish-i dërguari i Donald Trump për dialogun Kosovë-Serbi, Richard Grenell, Donald J Trump Jr, djali i Trump dhe Kimberly Guilfoyle, tre personazhe tepër të njohur mes republikanëve në SHBA.
Takimi do të mbahet me komunitetin e shqiptarëve në Detroid, të mërkurën më datë 16, me ndihmën e këngëtares Bleona Qerreti, të cilën e kemi parë pranë Grenell edhe në momente të tjera.
“Ne, komuniteti shqiptaro-amerikan, jemi këtu për t’i thënë jo vlerave radikale, socialiste.
Shtëpia jonë është toka e të lirëve; Shtetet e Bashkuara të Amerikës.
Ne duhet të bashkohemi si shqiptaro-amerikanë dhe të mbështesim Presidentit Trump.
Ne ju ftojmë të bashkoheni me Donald Trump Jr,
Kimberly Guilfoyle dhe ambasadori Richard Grenell në tubim. Shqiptarët amerikanë në mbështetje të Donald J Trump në nëntor. Bashkohuni me ne më 16 tetor në Imperial House në tubimin për liri, argëtim dhe muzikë, Të ftuar specialë nga Bleona Qereti te Ylli Limani!”-shprehet Qerreti.
E pranishme në këtë takim do të jetë edhe Kimberly Guilfoyle, ish- prokurorja e Los Angelesit, dhe ish-bashkëshortja e guvernatorit demokrat të Kalifornisë, Gavin Newsom.
