Zgjedhjet në Rusi kanë përfunduar me një fitore të thellë të Vladimir Putin. Ai ka fituar mandatin e ardhshëm 6 vjeçar me 76% të votave, më shumë se në vitin 2012 ku ai fitoi me 64% të votave. Putin është shprehur se ka filluar të mendojë ndryshime në qeverinë e re përfshirë këtu edhe postin e kryeministrit. Putin ishte në garë me liderin e opozitës Alexei Navalny, i cili humbi bindshëm.
Në mesazhin e urimit lideri kinez Xi ka shkruar: “Aktualisht, partneriteti gjithëpërfshirës i bashkëpunimit strategjik midis Kinës dhe Rusisë është në nivelin më të mirë në histori, gjë që përcakton një shembull për ndërtimin e një lloji të ri të marrëdhënieve ndërkombëtare”.
Urime të tjera Putin ka marrë nga vende si Kazakistani, Bjellorusia, Venezuela, dhe Kuba, ndëra liderët perëndimor nuk kanë bërë ende asnjë koment. Tensionet midis Rusisë dhe Perëndimit janë thelluar në javët e fundit pas helmimit të një ish-spiuni në Britani, ku qeveria e Britanisë së Madhe fajësoi Rusinë.
Ministri i Jashtëm gjerman Heiko Maas, ka shkuar në një mbledhje me ministrat e jashtë të BE-së në Bruksel ku u shpreh se Rusia mbetet një partner i vështirë, por ata do vijojnë dialogun./Opinion.al
