Kandidati i Partisë Socialiste për Bashkinë e Rrogozhinës, Edison Memolla ka votuar në qendrën e tij të votimit paraditen e sotme.
Në një prononcim për mediat, Memolla i ka bërë thirrje të gjithë qytetarëve që të marrin pjesë në votime.
Sipas tij, PS nuk rrezikon në këto zgjedhje dhe shpreson që të marrin pak a shumë të njëjtin rezultat me atë të 14 majit, ku ai u shpall fitues.
“Procesi po shkon shumë mirë, pavarësisht një incidenti të vogël. Ftoj qytetarët të votojnë masivisht dhe të votojnë kandidatin më të mirë. Nuk rrezikojmë aspak. Shpresojmë pak a shumë të njëjtin rezultat si në 14 Maj. Nuk merrem me kundërshtarin, por me veten time. Problemi i fotografimit të votës është administruar nga KQZ dhe KZAZ”, tha Edison Memolla./Opinion.al
