Kandidati për kryetar i Partisë Demokratike, Fatbardh Kadilli, ka votuar për zgjedhjet e brendshme për kreun e selisë blu që po zhvillohen ditën e sotme.
Teksa i ka cilësuar këto zgjedhje si një moment reflektimi, Kadilli i ka bërë thirrje demokratëve që të vijnë në masë për të votuar.
“Është një moment i rëndësishëm për PD dhe anëtarët e saj i ftoj të gjithë të marrin pjesë në votim sepse e duam këtë parti dhe duam të ringrihet. Ringritja fillon sot kur çdo anëtar merr përsipër përgjegjësitë e veta. Është një garë që u mbyll siç u nis e pabarabartë por jam i lumtur që ndeza shkëndijën e parë të saj. Manifesti për ta bërë partinë të pastër të hapur të bashkuar do vazhdojë. PD-së iu rikthye kurajo dhe guximi, kjo parti do të jetë e pastër, e hapur, e bashkuar dhe fituese.
Në përgjithësi i rri larg këtyre provceseve, procesi i vërtetë është fryma me të cilin do dalin demokratët. Është hera e parë që një forcë politike shtrëngohet në pak kohë që të reflektojë shumë”, tha ai.
