Ka habitur analisti Baton Haxhiu, ndërsa ka bërë një deklaratë me të vërtetë të çuditshme në lidhje me situatën aktuale në Partinë Demokratike dhe se kush duhet ta drejtojë atë. I pranishëm në emisionin “Komiteti” të gazetarit Berat Buzhala, analisti është shprehur se personi që e meriton postin e kreut të PD-së është Argita Malltezi, vajza e Sali Berishës. Haxhiu e ka shtjelluar më tej tezën e tij duke u shprehur se Argita Malltezi është më e zgjuar se Lulzim Basha, madje edhe më e mprehtë sesa i babai i saj, i cili e ka drejtuar PD-në për dy dekada. I vetmi problem që e ka mbajtur larg Argitën nga drejtimi i PD-së është vëllai i saj, Shkëlzen Berisha.
Një pjesë nga intervista e zbardhur:
Haxhiu: Është vetëngrirë me dëshirën e Berishës… e ka një vijë familjare me Argitën dhe Jamarbër Malltezin plus dhe një grup tjetër që kanë punuar në Kosovë…
Buzhala: Por Jamarbër Malltezi doli kundër Bashës…
Haxhiu: Mendoj që është një taktizim brutal që nuk më ka pëlqyer…
Unë mendoj se doktori e ka futur atë sa për të kundërshtuar ose sa për ti thënë epitetin e pluralizmin në parti.
Buzhala: Pse ti mendon se janë të afërt Basha dhe Argita?
Haxhiu: Argita dhe Luli kanë jetuar në Prishtinë…
Buzhala: Jo po them pas këtyre zgjedhjeve… a ka ambicie politike Argita?
Haxhiu: Argita është për mua ndoshta femra që e meriton me qenë në PD. Është më e zgjuar se Luli, është më e zgjuar se Berisha!…
Argita është ndër femrat e rralla që ka karizëm! Që ka dije por e kundërta e saj është vllau… e mendoj se ajo nuk hyn në politikë pikërisht prej vëllait. Ai është në shoë bizz. Po të mos ishte Shkëlzeni, do të ishte liderja më e mirë e PD-së.
