Ish-kryeministri, Sali Berisha, pas votimit nuk është larguar, por është duke zhvilluar një takim me kreun aktual të PD-së Lulzim Basha në selinë blu.
Bëhët me dije se Berisha ndodhet në zyrën e Lulzim Bashës, prej më shumë se dy orësh.
Ky takim vjen në një kohë kur ende nuk ka përfunduar procesi i votimit për zgjedhjen e kreut të ri të PD-së.
Sakaq, kanidatët përballë Bashës si Agron Shehaj dhe Edit Harxhi kanë shprehur pakënaqësi për organizimin e procesit të votimit, duke identifikuar edhe shkelje të ndryshme.
Shehaj tha se në degët 5, 10 dhe 15 në Tiranë vëzhguesit e tij janë përjashtuar ose nuk janë lejuar të hyjnë në ambientet e votimit. Sipas tij, procesi i votimit në këto degë po komprometohet rëndë, sepse po zhvillohet pa praninë e vëzhguesve dhe po administrohet nga përfaqësuesit e vetëm një kandidati.
Ndërsa Harxhi u shpreh se janë penguar të votojnë themelues të PD-së, me pretendimin se nuk kanë qenë aktivë në fushatë./Opinion.al
