Sipas rezultateve paraprake të publikuara në faqen e internetit të Komisionit Shtetëror të Zgjedhjeve, nga 1,517 vendvotime ku u votua në raundin e dytë të zgjedhjeve lokale, kandidatët e LSDM kryesojnë në 19 komuna, VMRO-DPMNE në dy, BDI në 9, Aleanca për Shqiptarët në tre, dhe Lëvizja BESA në një dhe PDSH në një komunë.
LSDM kryeson në Butel, Gazi Babë, Vinicë, Gradsko, Demir Kapi, Jegunovcë, Karbinci, Kisella Vodë, Makedonska Kamenica, Makedonski Brod, Mogila, Novaci, Probishtip, Rosoman, Staro Nagoriçane, Çashkë, Çeshinovë Obleshevë, Shtip dhe Shuto Orizarë.
VMRO-DPMNE udhëheq në Zrnovci dhe Kavadar, BDI në Dibër, Dolneni, Likovë, Saraj, Strugë, Tetovë, Tearcë dhe Çair, Aleanca për Shqiptarët çon në Bogovinë, Vrapçisht dhe Gostivar, Lëvizja Besa në Zhelinë ndërsa PDSH çon në Studeniçan. Në Brvenicë kryeson kandidati i pavarur Enver Pajaziti.
