Lidhja socialdemokrate LSDM e ish kryeministrit Zoran Zaev dhe Lëvizja BESA e Bilal Kasamit kanë zyrtarizuar koalicionin parazgjedhor, për zgjedhjet e parakohshme parlamentare të 12 prillit në Maqedoninë e Veriut.
Ky vendim i dy subjekteve politike, konsiderohet si akt historik, pasi shënon dhe herën e parë që dy parti nga blloku maqedonas dhe ai shqiptar zyrtarizojnë një koalicionin parazgjedhor.
”Arritja e koalicionit parazgjedhor është një moment i ri historik për demokracinë dhe pluralizmin. LSDM-ja shpall koalicionin parazgjedhor me Lëvizjen BESA. Me këtë karakterin multietnik të Maqedonisë e shndërrojmë në program të përbashkët. Ndërtojmë shtet që ka shanse për të gjithë, edhe për maqedonasit edhe për shqiptarët, boshnjakët, serbët, vllehët dhe të tjerët”, tha Zaev pas nënshkrimit të marrëveshjes.
Ndërsa politikani shqiptar Bilial Kasami vlerëson se ky koalicion garanton të ardhmen evropiane të Maqedonisë së Veriut.
“Kjo është një ditë historike. Më marrëveshjen e sotme presin që votuesit shqiptarë ta shfrytëzojnë këtë mundësi historike për të qenë anëtarë të një koalicioni qeverisës. Ky koalicion është vazhdimësi e trenit të NATO-s që do të na anëtarësojë edhe në Bashkimin Evropian”, deklaroi kryetari i Lëvizjes BESA./Opinion.al
