Qendrat e votimit në Malin e Zi janë hapur mëngjesin e së dielës në orën 07:00, ndërsa raportohet se deri në orën 09:00 kanë marr pjesë 14.3% e votuesve.
Kryetari i Komunës së Tuzit Nik Gjeloshaj, i cili është njëherazi edhe kandidat për deputet nga Lista Shqiptare tha se të paktën ata do të kenë dy deputetë në kuvend.
“Sot vendosin qytetarët, më pas flasim ne. Ne e kemi prezantuar platformën qeverisëse. Sot presim rezultatet e zgjedhjeve. Presim rezultatet, jemi fokusuar te fitorja. Fokusi ynë do jenë investimet për shqiptarët. Lista shqiptare, të paktën 2 deputetë në Parlament”, tha Gjeloshaj pasi doli nga qendra ku votoi dhe u bëri thirrje qytetarëve të marrin pjesë në zgjedhjet e sotme.
“Fokusi ynë është rritje ekonomike, zhvillimi ekonomik, të kemi akses në përqindjen e buxhetit të shtetit që të zhvillojmë zonat shqiptare. Mendojmë se duhet të ruajmë identitetin duke mos lënë mënjanë as kulturën dhe as arsimin. Duhet të punojmë shumë që të rinjtë të mos largohen”, deklaroi Gjeloshaj./Opinion.al
