Komisioni Qendror i Zgjedhjeve në Kosovë u ka kërkuar të gjitha partive politike që do të marrin pjesë në këto zgjedhje lokale që të angazhojnë në zgjedhje vetëm komisionerë e vëzhgues të vaksinuar kundër COVID-19.
“Përmes një shkrese, subjektet politike janë informuar se masat e ndërmarra nga Qeveria e Kosovës janë të detyrueshme edhe për Komisionin Qendror të Zgjedhjeve, prandaj kemi kërkuar nga subjektet politike që të inkurajojnë të gjithë të nominuarit e tyrë, qoftë si staf zgjedhor apo si vëzhgues, që të respektojnë këto masa. Nga anëtarët e këshillave të vendvotimeve dhe nga vëzhguesit do të kërkohet që të dëshmojnë se kanë marrë të paktën një dozë të vaksinës”, është shprehur zëdhënësi i KQZ Valmir Elezi.
Ndërsa sa u takon qytetarëv që prietet të marrin pjesë në zgjedhje duhet të mbajnë maskat anti-COVID dhe të respektojnë distancën prej 2 metrash nga njëri-tjetri në qendrat e votimit.
Ndër të tjera si masë për parandalimin e COVID-19 gjatë zgjedhjeve lokale Komisioni Qendror i Zgjedhjeve ka njoftuar se do të vendosë dezinfektues në hyrje të secilit vendvotim.
Për personat që janë të infektuar me COVID-19, KQZ-ja do të caktojë ekipe të lëvizshme të cilat do të shkojnë në adresë të tyre për t’iu mundësuar pjesëmarrjen në procesin zgjedhor.
