Zgjedhjet e përgjithshme në Finlandë, të cilat u mbajtën ditën e diel, janë fituar nga Partia Socialdemokrate me 17,7% të votave. Ajo është partia më e madhe e të majtës në Finlandë.
Të dytët janë renditur “Finlandezët e Vërtetë”, partia nacionaliste dhe anti-europiane e drejtuar nga Jussi Halla-aho me 17,5% të votave ndërsa partia e qendrës e kryeministrit në ikje Juha Sipila ka marrë 13,8% të votave duke u renditur e katërta.
Duke parë fragmentarizmin e tejskajshëm të Parlamentit, gjë që ndodh shpesh në Finlandë, formimi i një qeverie parashikohet të jetë i vështirë për socialdemokratët. Nëse do t’ia arrinte, lideri Antti Rinne do të bëhej kryeministri i parë i një qeverie të majtë në Finlandë që prej vitit 2003.
Kujtojmë se vetëm një muaj më parë, qeveria e kryeministrit Sipila dha dorëheqjen, pasi dështoi të arrinte një marrëveshje politike për reformën e sistemit shëndetësor. Sipila ishte në krye të qeverisë që prej vitit 2015, në një koalicion të djathtë edhe me partinë nacionaliste./Opinion.al
