Komisioni Qendror i Zgjedhjeve njoftoi se 33 mijë e 978 qytetarë dibranë kanë votuar dje për rkeytarin e ri të Bashkisë. Por për të mësuar rezultatin nevojitet numërimi edhe i 74 kutive nga 118 që ishin në total.
Deri më tani nga numërimi, kandidati i ASHEsë Muharrem Rama ka marrë 7373 vota, 1656 vota më shumë në krahasim me kandidatin e djathtë Sherefedin Shehu, i cili ka marrë 5717 vota.
Votimi i djeshëm u shoqërua nga akuza për blerje votash nga të dy palët politike. Ndërsa PD akuzoi se banorët e një fshati në Dibër kapën një fugon me miell që do shpërndahej në këmbim të votës, nuk munguan as akuzat për fotografimin e votës nga të dyja palët.
