Kryetari i Partisë Demokratike, Lulzim Basha ka uruar për fitoren e zgjedhjeve të së dielës kancelarin austriak, Sebastian Kurz. Koalicioni qeveritar i Kurz u rrëzua në muajin maj, pasi një video e publikuar tregonte zv/kancelarin e tij dhe udhëheqësin e Partisë së Lirisë, Heinz-Christian Strache gjatë një darke në Ibiza me një grua e cila pozonte si mbesa e një oligarku rus. Në video, Strache shihet tek ofron për të ndërmjetësuar kontratat qeveritare.
Ndërkohë, përtej mesazhit të urimit, kreu i opozitës kërkon që kryeministri Rama të ndjek shembullin kancelarit austriak, Kurz, pasi edhe në vendin tonë ekzistojnë akuza për shit-blerje të votova.
“Vendimi i liderit të ÖVP, Sebastian Kurz, ku ndonëse pa asnjë përgjegjësi personale apo politike, vendosi t’i rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik“, thekson Basha.
Pak kohë më parë u publikuan përgjime me audio që dëshmonin shit-blerjen masive të votave, por në rastin tonë jo vetëm që nuk është dënuar njeri, por askush nuk ka dhënë dorëheqjen.
Poastimi i Bashës
Mbrëmë i përcolla urimet më të përzemërta mikut tim Kancelarit Sebastian Kurz dhe simotrës tonë Partisë Popullore të Austrisë për fitoren e thellë të zgjedhjeve të parakohshme parlamentare në Austri.
Vendimi i liderit të ÖVP Sebastian Kurz ku ndonëse pa asnjë përgjegjësi personale apo politike, vendosi ti rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik. Me votimin e djeshëm qytetarët austriakë dhanë një mbështetje të jashtzakonshme për këtë vendim të Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare./ Opinion.al E.Xh.
