Kryeministri Edi Rama i ka bërë thirrje qytetarëve në 6 bashkitë e vendit, që t’i drejtohen kutive të votimit dhe të ushtrojnë të drejtën e tyre për të zgjedhur.
Në një postim në rrjetin social “Facebook” kreu i qeverisë, thotë se qytetarët duhet të votojnë edhe në respekt të asaj që po ndodh në Ukrainë, ku njerëzit po luftojnë për të mos demokracinë.
“MIRËMËNGJES
dhe me ftesën për qytetarët e 6 bashkive në Shqipëri ku sot votohet, që ta ushtrojnë të drejtën themelore demokratike për të zgjedhur edhe në respekt të atyre që në lindje të Europës, po masakrohen për të mos e humbur atë të drejtë bashkë me demokracinë, ju uroj një të dielë të qetë”-, shkruan Rama.
