Pasi njoftoi ndërtimin e sheshit e ri për qytetin e Peshkopisë, Qeveria vjen një tjetër lajm të mirë Dibrën. Ka qenë ministri i Shëndetësisë, Ilir Beqaj i cili vizitoi Peshkopinë dhe premtoi plot 600 mijë euro investime për shëndetësinë e kësaj zone. ” Të hënën e ardhshme, është gara publike për rikonstruksionin e poliklinikës së spitalit të Dibrës. Janë 600 mijë euro ku parashikohet një rehabilitim me themel i Poliklinikës. Pastaj, do të shoqërohet me një tjetër mundësi, paratë janë të siguruara, me 400 mijë euro pajisje për Poliklinikën e spitalit të Dibrës,” është shprehur Beqaj.
Kujtojmë se e hëna e ardhshme është fiks dy ditë pas datës së zgjedhjeve. Më 11 Shtator, dibranët janë ftuar në zgjedhejt lokale ku duhet të zgjedhin mes demokratit Sherefedin Shehu dhe socialistrit Muharrem Rama. Këto zgjedhje edhe pse në rang lokal konsiderohen shumë të rëndësishme pasi janë në prag të zgjedhjeve të përgjithshme dhe shërbejnë si test elektoral për PD dhe PS-në.
