Kryetari i grupit të PS, Taulant Balla dha një prononcim të shkurtër për mediat pasi takoi Presidentin e Republikës Ilir Meta. Takimi kishte si objeket caktimin e datës së zgjedhjeve lokale, që duhet të mbahen në qershor 2019.
Balla tha se operatorët turistik kërkojnë që zgjedhjet të kenë një datë më të afërt se sa fundi i qershorit.
“Është bërë traditë tashmë që Presidenti bën konsultime përpara se të caktojë datën e zgjedhjeve në qershor 2019. Zhvilluan një bisedë me Metën edhe pse Kodi Zgjedhor është i qartë për përfundimin e mandatit të të zgjedhurve vendorë. Është e cituar se zgjedhjet janë në të dielat e fundit të qershorit.
Dua të them se ka patur një kërkesë nga operatorët turistik që zgjedhjet të mbahen më herët se sa fundi i qershorit. Kjo është një çështje që i takon darkordësisë mes të gjitha palëve”, tha Balla.
/Opinion.al
