Ditën e nesërme do të mbahen zgjedhjet lokale pa opozitën. Ndërkohë, në shumicën e bashkive të vendit situata deri më tani është e qetë.
Sipas drejtuesve të KZAZ-së, në Shkodër janë shpërndarë një pjesë e madhe e materialeve, ndërsa probleme janë raportuar në ambientet në pronësi të bashkisë, ku ka pasur dhe përplasje.
Në Peshkopi nuk janë raportuar përplasje apo probleme, ndërsa policia ka qenë në gatishmëri gjatë shpërndarjes së materialeve zgjedhore.
Në Lezhë situata duket e qetë, përfaqësues të PS -së kanë thënë se bashkia ka kërcënuar përfaqësues të bizneseve të mos dalin në votime.
Në qytetin e Durrësit nuk ka pasur incidente, ndërsa policia ka qenë prezente për mbrojtjen e janë 6 KZAZ-ve.
Në qarkun e Fierit situata ka qenë kryesisht e qetë, ndërsa përplasje janë raportuat vetëm në Mallakastër.
Në qarkun e Kukësit nuk ka pasur përplasje, materialet zgjedhore janë shpërndarë në vendet e votimit.
Situatat paraqitet e qetë dhe në qarkun e Beratit, pasi nuk ka pasur përplasje, ndërsa policia ka qenë në gatishmëri për të shmangur incidentet e mundshme. Sipas drejtuesve të KZAZ-ve, shpërndarja e materialeve zgjedhore po shkon drejt fundit dhe të gjitha qendrat e votimit do të jenë gati për tu hapur sipas orarit të përcaktuar.
Në Elbasan nuk ka pasur probleme në shpërndarjen e materialeve zgjedhore, ndërsa situata është paraqitur e qetë dhe në bashkitë që drejtohen nga LSI.
Po ashtu në Gjirokastër situata duket e qetë, ndërkohë që janë 235 qendra votimi, në të cilat nuk janë shënuar probleme. Mësohet se megjithëse kandidatët u kanë bërë thirrje emigrantëve të votojnë, nuk ka ndonjë fluks të tyre, megjithëse u është premtuar edhe autobus për ardhjen.
Dhe në Vlorë materialet zgjedhore janë shpërndarë normalisht,m përfshirë dhe bashkinë e Selenicës që është e djathtë.
Qarku i Tiranës i cili ka numrin të madh të votuesve nuk ka pasur probleme në shpërndarjen e materialeve zgjedhore.
Kujtojmë që në disa qytete ka kandidat dhe Partia Bindja Demokratike. Ndërsa, PD ka kërkuar leje nga Policia e Shtetit që të zhvillojë protestën gjatë kohës që votohet./ Opinion.al E.Xh.
