Kryekomisioneri i KQZ, Ilirjan Celibashi njofton se jo të gjitha bashkitë kanë përmbushur detyrimin e tyre në lidhje me mbajtjen e zgjedhjeve lokale të 14 najit.
Celibashi shprehet në një postim në “Facebook”, se nga këto bashki kërkohet të merren masa të menjëhershme për përmbushjen e detyrimeve si dhe të dërgojnë në rrugë elektronike hartat e qendrave të votimit.
Postimi i plotë:
Në vijim të bashkëpunimit dhe komunikimit mbi organizimin e proçesit zgjedhor të datës 14 Maj 2023, KQZ ka administruar informacionin e ardhur në rrugë elektronike dhe postare për qendrat e votimit dhe për publikimin e ekstraktit të përbërësve zgjedhor, nga ku rezulton se jo të gjitha bashkitë kanë përmbushur detyrimin e tyre.
Duke qënë në tejkalim të çdo afati, kërkohet që bashkitë të cilat ende nuk kanë përmbushur detyrimin ligjor të mësipërm të marrin masa menjëherë dhe të përmbushin detyrimet e tyre. Gjithashtu duhet realizuar në të njëjtën kohë edhe dërgimi në rrugë elektronike i hartave të qendrave të votimit në adresën email: [email protected].
