Aktualitet

Zgjedhjet e pjesshme lokale/PD apo Komisioni i Rithemelimit? Përgjigjet Celibashi


Bëhu pjesë e Grupit Zyrtar të Opinion.al
>> KËTU <<
               Publikuar në : 11:56 - 21/01/22 |
Opi Nion

Kreu i KQZ, Ilirjan Celibashi në një dalje për mediat këtë të premte ka deklaruar se në zgjedhjet e pjesshme vendore që priten të zhvillohen në 6 Mars, mund të regjistrohen të gjitha partitë që plotësojnë kushtet sipas ligjit.

I pyetur nga gazetarët se kë do regjistrojë KQZ, PD-në zyrtare apo Komisionin e Rithemelimit, Celibashi u përgjigj se kjo nuk është çështje e KQZ-së, por e përcaktuar mirë nga ligji.

“Partia Politike që kërkon të regjistrohet si subjekt zgjedhor, duhet të paraqesë disa dokumente,  dhe një vendim nga Gjykata e Tiranës për partinë politike, emrin, organet drejtuese, organet kompetente për marrëdhëniet me të tretët. Nuk është çështje e KQZ-së, por e përcaktuar mirë nga ligji. Në momentin kur do fillojë regjistrimi i partive politike, do të merrni dijeni për partitë që regjistrohen dhe përfaqësuesit e tyre. Sikurse për çdo gjë tjetër, si Komisioner Shtetëror, dijenia merret pasi merren vendimet përkatëse” – tha Celibashi.

Më tej, Celibashi thotë se kostot për zhvillimin e zgjedhjeve të pjesshme lokale, do të jenë 180 mln lekë, ndërsa theksoi se edhe në këto zgjedhje do të aplikohet votimi elektronik.

“Kemi bërë një vlerësim paraprak të kostove të këtyre zgjedhjeve por po punojmë akoma. Janë rreth 180 milionë lekë kosto të këtyre zgjedhjeve por në fund të ditës do kemi koston përfundimtare. Po punojmë që për këto zgjedhje të funksionojë identifikimi elektronik. Do të vendosim lidhur me aplikimin e votimit elektronik në Bashkinë e Vorës. Këtu kemi eksperiencë në Tiranë. Qëllimi ynë si KQZ është ta aplikojmë sistemin e votimit elektronik edhe në zgjedhjet e Bashkisë së Vorës. Personalisht nuk shoh ndonjë pengesë për ta bërë këtë. Këto janë informacionet e karakterit teknik” – tha Celibashi./Opinion.al

Pas