Kryekomisioneri Ilirjan Celibashi në një konferencë për mediat është shprehur se zgjedhjet për kryebashkiakun e Kukësit do të kushtojnë 25 457 496 lekë.
Celibashi tha se për këto zgjedhje s’do të marrin para nga buxheti i shtetit, por do të përballohen nga fondet e KQZ.
“Do kushtojnë 25 mln 457 mijë 496 lekë që në fakt nuk janë para të kërkuara shtesë në buxhetin e KQZ, por në një menaxhim dhe riorganizim të buxhetit që kemi bërë, pamë që nuk ishte e nevojshme për të kërkuar buxhet shtesë pasi ka kursime nga KQZ që e mundësojnë këtë proces zgjedhor”, tha Celibashi.
