Shpëtim Idrizi ka deklaruar ditën e sotme se PDIU do të hyjë ne zgjedhjet e 25 prillit së bashku me Partinë Demokratike.
Në një intervistë për ABCNews, Idrizi ndër të tjera ka komentuar dhe ndryshimet e bëra së fundmi në qeveri lidhur me zgjedhjet elektorale.
Ndër të tjera kryetari i PDIU-së ka thënë se kryeministri Rama tashmë është kthyer në një sulltan i cili i merr vetë vendimt.
“Gjëja e parë që më vjen të them është se a e dinë këto që janë bërë ministra pasi mënyra se si ai i merr vendimet është si të jetë një sulltan. Ne kemi një marrëveshje me PD-në dhe do të jemi të listuar me atë të PD-së. Besoj se 2017 është rasti që po përsëritet. Rama në atë kohë bëri prishje koalicionesh pa ligj tashmë po e bën me ligj.
Besoj se procesi duhet të kishte filluar me kohë por për shkak të kushteve të pandemisë nuk ka filluar. Opozita shumë më parë të ishte e qartë dhe të ishte e shtrirë në terren për të diskutuar me njerëzit për ekonominë për njerëzit dhe për programin e saj në mënyrë që shqiptarët të njiheshin me programin e tyre”, ka thënë ai./Opinion.al
