Deputetja e Partisë së Lirisë Monika Kryemadhi ka folur gjatë një interviste lidhur me zgjedhjet e 14 Majit dhe synimet e partisë që ajo përfaqëson.
“Rikthimi i Këshillit Bashkiak dhe pushteti vendor është fitorja e pare”, u shpreh Kryemadhi në News 24 me Nisida Tufen, ku tha se sfida e PL janë këshillat bashkiakë.
“Sfida e PL-së janë Këshillat Bashkiak dhe kandidatët e opozitës që do të kandidojnë në gjithë Shqipërinë. Sa më shumë e strukturuar të jetë opozita aq më shumë rezultateve do të jetë. Bashkëpunimi i strukturave të PL-së dhe PD-së është i jashtëzakonshme. Pakënaqësitë janë të mëdha. Edhe socialistët kanë kuptuar se një opozitë e fortë i bën ata më të funksional brenda strukturës së tyre. Presioni do të jetë i madh nga patronazhistët, strukturat e shtetit, nga institucionet e drejtësisë dhe policisë për të kërcënuar qytetarë e opozitës kur po shohim se si po ngrihen gradaçelat në Tiranë. Kemi rastin e Agron Shehaj…14 maji do të jetë një ndryshim që nuk ka të bëjë me politikë por me qytetarët. Është shumë e rëndësishme që të ndihemi krenar kur vota e qytetarëve të kthehet në pushtet për ta. Rikthimi i Këshillit Bashkiak dhe pushteti vendor është fitorja e parë. Nëse komisionerët do të jenë korrektë dhe nuk do të shiten, është e vështirë që ditën e zgjedhjeve të preken kutitë. Nëse komisionari shitet, po mund të ndërrojë kutinë. Po këtu nuk ka fajin PS-ja por komisionari yt. Do të ketë vëmendje më të shtuar. Problemi tjetër është përdorimi i parave të buxhetit të shtetit për të blerë votat”, tha Kryemadhi./Opinion.al
