Kreu i nismës “Thurje”, Endri Shabani, ka zbuluar këtë të martë se do të shpalosë kandidaturën e tij për Bashkinë Tiranë, në zgjedhjet vendore të 14 Majit.
Në një intervistë në “News 24”, Shabani tha se Tirana ka nevojë për një alternativë më të shëndetshme, ndërsa shtoi se qyteti ka nevojë për një organizm të ri.
“Unë si Endri do drejtoj fushatën përballë këtyre të dyve, pasi Tirana ka nevojë për një alternativë më të shëndetshme. Unë nuk merrem me karakteret por me politikën. Veliaj nuk e rregullon dot trafikun në Tiranë për shkak të interesave. Ne duam një transport publik dhe jo privat. Studentët do të udhëtojnë më kartë studenti dhe pensionistët me kartë pensioni. Këlliçi është duke dëgjuar qytetarët, për mua ka pasur kohë bollë për ti dëgjuar. Veliaj ka shumë zullume, qytetari mjafton të hapë dritaren të shoh. Qyteti ka nevojë për një organizim të ri për invers të qytetarit. Infrastruktura është një ndër problemet kryesore”, tha Shabani.
Më herët, edhe Arlind Qori ka shpallur kandidaturën për të garuar për kryetar bashkie i Tiranës në zgjedhjet lokale.
