Janë zbardhur detaje nga organizimi i fushatës së Partisë Demokratike.
Tvklan ka mësuar se kësaj radhe do ketë një skenografi krejt ndryshe, ku çelja e fushatës do paraprihet që prej orës 18:00 nga aktivitete të të rinjve demokratë.
Në hyrje të bulevardit që të çon në sheshin “Nënë Tereza” do jenë të vendosur 11-të njësha që simbolizojnë edhe numrin e koalicionit “Aleanca për Shqipërinë Madhështore” në fletën e votimit.
Tre ekranë LED, njëri në krah të Pallatit të Kongreseve, në kryqëzimin e Presidencës dhe në hyrje të sheshit do të shfaqin historikun e Partisë Demokratike.
Nga ana e organizatorëve është propozuar që të jetë i njëjti imazh i hapjes së fushatës me atë të Presidentit amerikan Donald Trump, në qendër të të cilit do të jenë të rinjtë.
Të gjithë kandidatët do të qëndrojnë të ulur në karrige dhe krahas Sali Berishës një fjalë do të ketë edhe drejtuesi i fushatës së tij Chris LaCivita.
