Kreu i misionit të vëzhguesve të OSBE-ODIHR-it, Lamberto Zannier nisi takimet me partitë politike, pas nisjes zyrtare të detyrës në Tiranë.
Ai si fillim zhvilloi një takim informues sot në zyrën e Ilir Metës, i cili në zgjedhjet parlamentare garon nga qelia nën siglën e koalicionit “Aleanca për Shqipërinë Madhështore”.
Në dalje për mediat pas takimit, me prononcim të shkurtër, Zannier bëri me dije se diskutuan problematikat e fushatës.
Ambasadori u pyet edhe në lidhje me arrestimin e Ilir Metës, por nuk preferoi të jepte koment për të.
“Nuk mund të jap një opinion lidhur me këtë çështje, ne sapo kemi ardhur në Shqipëri. Ne qëndrojmë pas vendimeve të institucioneve të vendit, qëndrojmë pas shtetit të së drejtës dhe pas aplikimit të ligjit jo të politizuar”, tha Zannier.
