KQZ ka vendosur që një kompani ndëkombëtare postare, DHL, të bëjë transportin e fletëve të votimit në diasporë për zgjedhjet e 11 Majit, që do të kushtojë 10 milionë Euro.
Sipas Klan News mësohet se brenda datës 10 Prill do të nis shpërndarja e fletëve të votimit në 85 shtete të botës ku jetojnë shqiptarë, të cilët kanë fituar të drejtën e votës për këto zgjedhje.
Ndërkohë partitë politike shqiptare kanë shprehur shqetësimin e tyre pasi postat kanë vendosur që fleta e votimit të merret dhe të dorëzohet vetën nga personi që ka të shënuar emrin në zarf.
Ata pretedojnë se kjo do të ndikojë në numrin e shqiptarëve që do të ushtrojnë të drejtën e votës.
PS ka tentuar që të bëjë një marrëveshje për heqjen e këtij kushti, të cilët propozojnë që në rast se personi nuk është në banesë, familjarët e tyre të lejohen për dorëzimin e fletës së votimit.
