Komisioni Qendror i Zgjedhjeve ka publikuar listën paraprake të zgjedhësve nga jashtë.
Përmes një njoftimi në rrjete sociale, KQZ sqaron se vetëm ata zgjedhës nga jashtë, të cilëve u është pranuar kërkesa për t’u regjistruar nëpërmjet PER, janë në përbërje të kësaj liste.
Këta zgjedhës kanë mundësinë, nga data 9 deri më 10 Mars 2025, të kërkojnë çregjistrimin nga lista e zgjedhësve, në rast se për arsye objektive gjykojnë se do të jenë në Republikën e Shqipërisë në ditën e zgjedhjeve më 11 Maj 2025.
“VOTUES NGA JASHTË-KONTROLLO EMRIN NË LISTË!
Kontrollo emrin tënd në Listën Paraprake të Zgjedhësve nga Jashtë në linkun https://kqz.al/voter/ , që e gjeni në faqen e www.kqz.gov.al ose në aplikacionin KQZ në iOS ose Play Store.
Në përbërje të kësaj liste jeni vetëm JU, të cilëve u është pranuar kërkesa për t’u regjistruar nëpërmjet PER,
Ju keni mundësinë, nga data 9 deri më 10 mars 2025, të:
Kërkoni çregjistrimin nga lista e zgjedhësve nga jashtë, në rast se për arsye objektive gjykoni se do të jeni në Republikën e Shqipërisë në ditën e zgjedhjeve më 11 Maj 2025.
Ribëni edhe një herë kërkesën, në rast se kani ndryshuar vendqëndrim pasi është miratuar kërkesa, duke saktësuar adresën e re së bashku me dokumentin provues të adresës”, shkruan Celibashi.
