Kandidatja e Partisë Socialiste për qarkun e Tiranës, Edlira Dyrmishaj ka zbuluar arsyet e saj se pse u bë pjesë e në radhët e mazhorancës për zgjedhjet e 11 Majit.
E ftuar në emisionin ‘Opinion’ në TV Klan, Dyrmishaj u shpreh se ndryshe nga familja e saj, ajo ka zgjedhur t’i bashkohet PS pasi beson në një drejtësi sociale, standarde të qëndrushme afatgjata dhe për integrimin e Shqipërisë në BE.
Dyrmishaj tha se duke bërë një analizim në PS përveç të mirave, ka edhe disa gjëra që nuk i mbështet.
Pjesë nga biseda:
Blendi Fevziu: Edlira pse kandidove?
Edlira Dyrmishaj: Po, shiko Blendi. Mendoj që…
Blendi Fevziu: Po e nise me ‘po’ nuk e paske shumë të qartë.
Edlira Dyrmishaj: Jo, jo, e kam shumë të qartë. Mendoj që kam çfarë t’i jap kësaj shoqërie dhe jam për të dhënë kontributin tim, për të rritur mirëqënie qytetarëve shqiptarë dhe për të fuqizuar stadarded aftagjata të këtij vendi. Secili nga ne kur merr një vendim patjetër që bënë nëj peshore të mirave, pozitiveve, negativeve, pikat më të forta, pikat më të dobëta. Dhe sidomos në besimin tim është shumë e rëndësishme ajo që unë kam të mësuar përmes libri hyjnor që ne jemi ata që jemi të zotët e mendjes tonë dhe marr vendimet dhe jemi përgjegjës…
Blendi Fevziu: Përzgjedhja jote, pra vendimi yt për të kandiduar për PS-në ishte për arsye tradicionale, familjare, e bindjeve tua personale, apo një kalkulim politik i momentit?
Edlira Dyrmishaj: Unë nuk vij nga një familja tradicionalisht mbështetëse e së majtës, është e kundërta në fakt. Siç thash duke bërë një analizim të atyre gjërave që unë besoj se dua të ndaj për vendin tim, sigurisht që ka gjëra që unë i mbështes në vizionin e PS, ashtu siç ka gjërat që unë nuk bie dakord, pa diskutim. Po besoj që këto ndasitë janë këtu për të krijuar më shumë debat produktiv për publikun dhe vendasit tonë dhe për të na çuar përpara secilat nga palët.
Blendi Fevizu: Unë të pyeta pse zgjodhe pikërisht këtë. Se për zgjedhje, ose për arsye tradicionale, ose për bindje, ose për lehtësi për…
Edlira Dyrmyshi: Nga vizioni që unë besoj se i vlen shoqërisë shqiptare për një drejtësie sociale, stadandarde qëndrueshëmërie afatgjata, por edhe për procesin e integrimit europian.
