Ambasadori i Bashkimit Europian në Shqipëri, Silvio Gonzato, ka deklaruar se Shqipëria duhet të miratojë një reformë të re zgjedhore.
Në një dalje për media nga qyteti i Korçës, Gonzato tha se kjo reformë duhet të përfshijë rekomandimet e OSBE-së, të shkuara dhe të tashme.
Ai theksoi se edhe pse ende nuk ka dalë raporti përfundimtar i OSBE, Brukseli ka folur qartë lidhur me zgjedhjet e 11 Majit në Shqipëri.
“Nuk ka dalë ende raporti përfundimtar i OSBE, mendoj se Brukseli foli qartë lidhur me zgjedhjet e 11 Majit ne Shqipëri. Është koha që qeveria dhe parlamenti shqiptar të miratojnë një reformë gjithëpërfshirëse zgjedhore e cila të përfshijë rekomandimet e shkuara dhe të tashme.
E në fakt rezultati i jep një përgjegjësi më të madhe qeverisë që të ndërmarrë këtë reformë sepse i ka numrat. Është pritshmëria e shqiptarëve në qoftë se Shqipëria është drejt rrugës së BE”, tha Gonzato.
