Njësoj si Edi Rama, Erion Veliaj mendon se do apo nuk do opozita zgjedhjet do të bëhen. Nga emisioni Opinion ai tha se opozita e ka të pamundur që të pengojë zhvillimin e zgjedhjeve.
Fevziu: Si e komentoni bojkotin e opozitës?
Veliaj: Unë kam dy vite e gjysme nuk i kam në Këshill Bashkiak. Nuk kanë ardhur për ndihmën ekonomike, për banesat sociale etj. Ata marrin rrogën për këtë gjë. Dëshmon një lloj falimenti moral të opozitës që ka nisur përpara se të bojkotonte parlamentin.
Fevziu: A do të kandidoni edhe nëse opozita nuk merr pjesë në zgjedhje?
Veliaj: Unë nuk kandidoj për të marrë pëlqimin e opozitës, nëse opozita nuk vjen është turpi i tyre, nëse vazhdoj bëj punën është në nderin tim. Mbas betimit tim në 30 korrik, skadon mandati im. Unë kam një kohë, 3 orë, që vetëm firmos shkresa. Nga ujësjellësi, varrezat, qumështi në kopshte, rrjeti i kanalizimeve, etj., menaxheri i qytetit është njësoj si kryetari i bashkisë, në momentin që nuk bën punën e tij qyteti nuk funksionon./Opinion.al
