Ish-deputeti Oerd Bylykbashi në një dalje për mediat ka komentuar raportin për 30 qershorin nga OSBE/ODIHR.
Bylykbashi u shpreh se ODIHR u tha shqiptarëve se ditën e djeshme nuk ka pasur zgjedhje, pasi opozita nuk merrte pjesë.
Sipas tij, kjo deklaratë është më e ashpra që OSBE/ODIHR ka bërë gjatë 28 viteve për Shqipërinë.
“OSBE/ ODIHR iu tha shqiptarëve se më 30 qershor nuk pati zgjedhje. Mungesa e zgjedhjes i ka bërë këto zgjedhje nul. ODIHR iu tha shqiptarëve se ata nuk patën mundësi për të zgjedhur dhe kandidatët nuk kishin rivalë. Kjo është deklarata më e fortë dhe më ashpër që ka bërë në këto 28 vjet OSBE/ODIHR. Kjo deklaratë e sotme bëri nul të gjitha përpjekjet e Edi Ramës dhe organizimin e një farse më 30 qershor. Opozita do të vazhdojë të provojë çdo shkelje më 30 qershor dhe do të bëjë të mundur që shqiptarët të zgjedhin në zgjedhje të lira e të ndershme”, deklaroi Bylykbashi./ Opinion.al E.Xh.
