Deputeti i PD Enkelejd Alibeaj është shprehur se ka pasur komunikim me aleatët e PD dhe se ata e mbështesin atë lidhur me kandidaturat për zgjedhjet lokale.
Sipas Alibeajt, kandidatët për zgjedhjet lokale duhet dalin nga sondazhet.
“Për të qenë fitues kandidati i PD-së, aleanca që duhet bërë është me njerëzit dhe me vlerat. Ne nuk detyrojmë askënd dhe as nuk lusim njeri që t’i qëndrojë vlerave tona. Unë kam pasur kontakte me të gjithë kryetarët e partive aleate dhe nga këto diskutime me zotin Mediu, me zotin Duka dhe me PDIU, kërkesa e tyre është: na duhet një kandidat fitues dhe për të nxjerrë këtë është sondazhi. Duke qenë se këta kolegë aleatë është i arsyeshëm, edhe ne kemi adoptuar të njëjtin qëndrim”,-tha Alibeaj.
