Ambasadorja e SHBA në vendon tonë Yuri Kim është takuar sot me ambasadorin e OSBE, Del Monaco.
Nëpërmjet një postimi në rrjetet sociale, Kim shkruan se kanë diskutuar për zgjedhje të lira dhe të ndershme në Shqipëri, reformën në drejtësi si dhe për luftën kundër trafikimit të qenieve njerëzore.
Kim shkruan se Shqipëria duhet të mundësojë dhe votën e diasporës, siç e parashikon Kushtetuta.
Po ashtu, kryedimplomatja amerikane thekson se mbështet OSBE për përpjekjet e saj për të forcuar institucionet e drejtësisë.
“U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta. SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji”, shkruan ambasadorja Kim.
