Kryetari i PD-së, Lulzim Basha u ktheu përgjigje socialistëve, duke deklaruar se kauza për zgjedhje të lira ka edhe mbështetjen e Brukselit. Disa herë të majtët kanë thënë se protesta e opozitës po bojkon Vetingun, që është kusht i BE-së.
“Kauza jonë po merr mbështejetje të madhe ndërkombëtare, sepse është kauza e drejtë e një populli i cili refuzon të qëndrojë siç ka qendruar këto 3 vite e gjysmë nën zgjedhjen e krimit dhe drogës”, tha ai, duke vijuar se “nuk kërkojmë asgjë më shumë por edhe nuk pranojmë asgjë më pak se gjithçka do pranonte një qytetar i Europës, zgjedhje të lira dhe të ndershme, zgjedhje pa drogë dhe për këtë është e domosdoshme krijimi i një qeveri pa konflik intersi me zgjedhjet e lira”.
Sipas kreut të PD-së, Kryeministri është në konflik interesi dhe kjo është aryse për të krijuar një qeveri që nuk ka konflik me zgjedhjet e lira dhe të ndershme, një qeveri që nuk është fajtore, e cila nuk tregohet me gisht nga ministrat se ka urdhëruar lirimin e bandave.
Deklaratat u bënë përpara pensionistëve që kishin vizituar gjatë paradites së sotme çadrën e Lirisë përpara Kryeministrisë. Ai u premtoi atyre se brenda 4 viteve pensionet do të rriten me 40%. “Nuk do të ketë pension me të vogël se 250 mijë lekë në muaj, tha Basha. /Opinion.al
