Presidenti Ilir Meta dha u përgjigj me batutë, kur në emisionin Opinion u pyet se kur do të dekretonte një datë të re zgjedhjesh për Shkodrën dhe për Vorën, pasi dy kryebashkiakët u shkarkuan nga ligji i dekriminalzimit.
“Ata tani shkojnë tek noteri, të shkojnë tek berberi. Presidenti vepron vetëm në përputhje me Kushtetutën”, tha Ilir Meta në emisionin Opinion.
Meta tha se qeveria kërkon me ngulm të ketë Presidencën sepse i dihen disa firma.
“Ne kemi një grupim që kërkon të kapi të gjithë shtetin. Shikojë parlamentin si e ke sot, shikojë pushtetin lokal si e ke sot. Shikojë prokurorinë si e ke sot. Kemi një problem, e duan ata dhe presidentin. Jo vetëm që të mos i krijojë këto shqetësime por e duan që dikush aty të hedh ca firma. Deri në 24 korrik 2022 këto firma në atë zyrë nuk hidhen. Ata duan nja dy firma aty, si firma e atij kryetarit të KED. Se kanë dhe ca detyrime ndërkombëtare ata. Ka nja dy tre firma që duhen”, tha kreu i shtetit./ Opinion.al
