Opozita ka reaguar pas deklaratës së e kreut të grupit parlamentar të socialistëve, Taulant Balla, ku u shpreh se Komisioni Qëndro i Zgjedhjeve ka të gjithë autoritetin për të caktuar datën për mbajtjen e vendoreve të pjesshme në Bashkinë e Shkodrës.
Edmond Spaho, nënkryetari i demokratëve dhe kreu i LZHK-së, Dashamir Shehi janë shprehur se një akt i tillë shkel kushtetutën dhe se vendi po shkon drejtë diktaturës.
Zgjedhjet në Shkodër mund të përsëriten, pasi Valdrin Pjetri, i cili u zgjodh si kryetar i bashkisë së Shkodrës në zgjedhjet e 30 qershorit rezulton i dënuar nga shtetin Italian. Dokumentet e dënimit të tij, u publikuan nga Partia Demokratike.
Në kushte e një krize politike, ku opozita bojkotoi zgjedhjet dhe mazhoranca i zhvilloj ato pa opozitën, presidenti Ilir Meta, dekretoi 13 tetorin si datë të re për zgjedhjet lokale. Por mesa duket data e re e zgjedhjeve nuk e zgjidhi krizën në vend, pasi kur duket se kampi opozitar po hedh një hap për tu bërë pjesë e zgjedhjeve, mazhoranca po punon për anulimin e kësaj date.
Kujtojmë që Meta ka apeluar për dialog mes palëve politike, por mesa duket as opozita dhe as mazhorana nuk kanë ndërmend të tërhiqen nga bindjet e tyre duke thelluar kështu edhe më tej krizën politike në vend./ Opinion.al E.Xh.
