Kryesore

Zgjedhje në Bashkitë “pa kryetar”, Meta: Nuk do bllokoja një marrëveshje


Bëhu pjesë e Grupit Zyrtar të Opinion.al
>> KËTU <<
               Publikuar në : 13:55 - 12/06/20 |
Al Do

I pyetur nëse do të dekretojë zgjedhje në bashkitë, ku kryetarët janë larguar si të prekur nga dekriminalizimi, Presidenti Meta u shpreh se do të veprojë sipas kushtetutës por në rast të një marrëveshjeje mes palëve ai nuk do ta bllokonte atë.

Kam qenë edhe jam i qartë në këtë çështje unë veproj në raport me kushtetutën. Nuk kemi një vendim të Gjykatës Kushtetuese mbi legjitimitetin e zgjedhjeve të fundit vendore. Nëse palët do të arrinin në një marrëveshje politike gjithëpërfshirëse dhe do të mbështetej nga ndërkombëtarët e cila do të ishte e pakritikueshme nuk do të përpiqesha të bëhesha bllokues për shkak të këtij qëndrimi të qartë dhe parimor”– deklaroi Meta.

Presidenti Meta u pyet nëse bashkë me zgjedhjet e përgjithshme vitin e ardhshëm do të dekretojë edhe datën për zgjedhjet lokale. Ai u shpreh se kjo është dëshira e tij, por do të respektojë kushtetutën, duke dekretuar vetëm ato parlamentare.

“Përsa dekretin e zgjedhjeve të përgjithshme apo lokale, pyetja është interesante, por përgjigja është e qartë, presidenti do të veprojë në raport me kushtetutën dhe jo si do të dëshironte të vepronte me logjikën normale, të ngjarjeve apo zhvillimeve. Për mua si president zgjedhjet e përgjithshme dhe vendore duhet të ishin mbajtur dje. Do të jem i vëmendshëm për përmbushjen e detyrimeve kushtetuese” tha ai. /Opinion.al

Pas