Kreu i PD Lulzim Basha nga çadra e protestës i ka dhënë përgjigjen skenarit që mund të ketë mazhoranca, për zgjedhje në 10 korrik, pas shpërndarjes së Parlamentit me moszgjedhjen e Presidentit.
“Rruga tjetër thotë hajde të bëjmë qeveri teknike dhe në zgjedhje për 10 korrikun. Pra qeveria teknike fasadë. Që mos ketë 10 korrikun, po them meqë po qarkullojnë këtë idenë se do shpërndajnë parlamentin se nuk zgjidhet presidenti, do futemi në krizë kushtetuese, kushtetuta mbi të gjitha, 10 korriku, pra qeveri teknike, por a ka ajo kohën e mjaftueshme për të zbatuar mandatin e saj që shqiptarët të votojnë të lirë nga krimi dhe droga? Qe kartat e tyre të ID mos blihen? Sigurisht që jo, as njëra dhe as tjetra vec e vec nuk bëjnë fajde, të dyja bashkë është oferta e lëvizjes më të madhe kombëtare për demokraci të vërtetë. Të dyja bashkë po e bjënë punën, ndaj tash e 62 ditë ftesa jonë është kjo, së bashku pavarësisht se kush i ka përgjegjësitë, ti japim fund, ta varrosim republikën e vjetër, këtë fasadë, komplot kundër shqiptarëve, kundër xhepave të tyre, të hapim rrugën për një Shqipëri evropiane me nje pakt kombëtar. Kjo është rruga e vetme në të cilën do vazhdojë të qëndrojë e të marshojë lëvizja jonë e madhe kombëtare për liri e demokraci”, tha Basha.
