Komisionit të Organizimit dhe Kontrollit të Operacioneve Elektorale në PD ka informuar se është bërë miratimi i fletës së votimit për zgjedhjen e kreut të Partisë Demokratike në zgjedhjet e 22 majit.
Sipas njoftimit të Komisionit të Rithemelimit, i pari në fletën e votimit është vendosur ish-kryeministri Sali Berisha kurse i dyti rivali i tij Ibsen Elezi.
“Komisioni i Organizimit dhe Kontrollit të Operacioneve Elektorale, njofton se në mbledhjen e datës 16.05.2022, ora 11.30, u hodh shorti për renditjen e kandidatëve në fletën e votimit, në prezencë të përfaqësuesve të tyre.
Pas hedhjes së shortit, renditja e emrave në fletën e votimit është:
- Sali Berisha
- Ibsen Elezi
Komisioni do njoftojë në vijim kalendarin e takimeve të dy kandidatëve për ditën e martë dt 17 maj 2022”,-thuhet në njoftim./Opinion.al
