Mazhoranca e Partisë Socialiste duket se do të votojë e vetme emrin e Kryeprokurorit të Përkohshëm. Pas deklarimit kundër pjesëmarrjes në votimin parlamentar nga dy forcat kryesore opozitare PD dhe LSI, sot edhe PDIU ka deklaruar se është kundër pjesëmarrjes në votime, sepse sipas saj shkelet kushtetuta e vendit.
“Prokurori i Përkohshëm i cili mund të zgjidhet sipas interpretimeve të maxhorancës edhe me 36 vota, nuk ka asnjë referencë në ndryshimin që kemi bërë bashkërisht në nenin themeltar të shtetit në Kushtetutë”- ka thënë PDIU, duke shtuar se nuk do të marr pjesë në asnjë komision apo votim për çështjen e Kryeprokurorit.
