Ambasadori i BE në Shqipëri, Luigi Soreca ka bërë një reagim në Twitter lidhur me zgjedhjen në krye të të Strukturës së Posaçme, e njohur ndryshe si SPAK të Arben Krajës.
Ndër të tjera Soreca ka shkruar se dita e sotme është shumë e rëndësishme për reformën në Drejtësi.
“Sot është me të vërtetë një ditë e rëndësishme për reformën në drejtësi në Shqipëri. Këshilli i Lartë i Prokurorisë sapo ka emëruar drejtorin e SPAK, zotin Arben Kraja. Dhe Gjykatat e SPAK, Gjykata e Posaçme kundër korrupsionit dhe krimit të organizuar, dhe të Apelit, fillojnë punën sot me 18 gjyqtarët e parë të caktuar nga Këshilli i Lartë Gjyqësor”-shkruan Soreca në “Twitter”.
Tetë anëtarët e SPAK-ut janë betuar gjatë ditës së sotme përpara Presidentit të Republikës, Ilir Meta./Opinion.al/
