Kreu i Kuvendit, Gramoz Ruçi u ka dërguar një letër kryetarëve të partive politike për ngritjen e Komisionit për zgjedhjen e anëtarëve të KQZ.
Ruçi sqaron në letrën e tij se komisioni do të ngrihet për të zgjedhur anëtarët e Komisionit Qendror të Zgjedhjeve, përkatësisht: Komisionieri, anëtarëve të Rregullatorit dhe të KAS-it.
Afati që partitë kanë për propozimin e anëtarëve deri në 9 shtator 2020, ndërsa vendimi për ngritjen e Komisionit pritet të merret në Konferencën e Kryetarëve.
Letra e plotë
Lënda: Për ngritjen e komisionit të posaҫëm parlamentar për zgjedhjen e Komisionierit, anëtarëve të Rregullatorit dhe të KAS-it.
I nderuar zoti Kryetar,
Bazuar në nenin 17 pika 3 të ligjit nr.101/2020 “Për disa shtesa dhe ndryshime ne ligjin nr. 10019, datë 29.12.2008 “Kodi Zgjedhor i Republikës së Shqipërisë” i ndryshuar”, Kuvendi ka detyrimin për të ngritur komision të posaҫëm parlamentar, me përfaqësim propocional nga cdo grup parlamentar, për shqyrtimin dhe përzgjedhjen e kanditaturave të paraqitura për vendin e Komisionerit, anëtarëve të Rregullatorit dhe të KAS-it. Ju bëj me dije se propozimin tuaj për anëtar në komisionin e posaҫëm duhet ta paraqitni pranë Kuvendit brenda datës 09.09.2020.
Duke ju falenderuar,
KRYETARI
Gramoz RUÇI./ Opinion.al
