Armëpushimi mes Izraelit dhe Hamasit është zgjatur për të shtatën ditë. Deklarata është bërë nga Forcat Mbrojtëse të Izraelit të enjten në mëngjes, disa minuta përpara se marrëveshja e mëparshme të skadonte.
Kjo është zgjatja e dytë e armëpushimit fillestar katër-ditor që filloi të premten.
Armëpushimi ka rezultuar në kthimin e 70 izraelitëve sipas marrëveshjes. Gjatë pauzës, tre shtetas izraelitë me shtetësi të dyfishtë dhe njëzet e katër shtetas të huaj janë liruar gjithashtu jashtë marrëveshjes.
Në këmbim, 210 palestinezë janë liruar nga burgjet izraelite, thanë zyrtarët. Ndërkohë, Izraeli do të zgjasë armëpushimin për çdo ditë që Hamasi vazhdon të lirojë 10 pengje, theksoi të enjten një zyrtar i lartë izraelit.
