Në një kohë, kur gjithë vëmendja është kthyer tek prishja e godinës së teatrit, Kryeministri Rama njofton zgjatjen e orarit të lëvizjes. Tashmë në zonat e kuqe, qytetarët mund të lëvizin deri në orën 21:00, ndërsa hiqen edhe autorizimet. Përmes një publikimi në rrjetet sociale, Rama njofton rregullat e reja të lëvizjes që nisin nga nesër.
Postimi plotë i Ramës
Nga nesër për javën në vazhdim, në bazë të vendimit të Ministrisë së Shëndetësisë:
Fieri kthehet në zonë e gjelbër
Hiqet krejtësisht fasha orare e lëvizjes në zonat e gjelbërta
Fasha orare e lëvizjes në zonat e kuqe zgjatet deri në orën 21.00
Hiqen në të gjithë vendin autorizimet për lëvizjen e këmbësorëve apo automjeteve gjatë javës – fundjava do të jetë përsëri pa makina
Vazhdon të jetë e ndaluar hyrje – dalja e automjetevenë zonat e kuqe
Qeveria do të ndryshojë nesër aktin normativ për heqjen e ndalesës së studiove tv për të ftuar jo më shumë se një person. do të mbetet vetëm kushti që të ftuarit të vendosen në distancë 2m nga njëri – tjetri
Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht
*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal
