Kreu i PD, Sali Berisha, në një deklaratë për mediat jashtë selisë blu, ka komentuar zhvillimet e fundit në PD.
Ai ka folur edhe për zëvëndësimin e kreut të grupit të PD-së, pas mbledhjes së firmave të deputetëve demokratë për shkarkimin e Alibeajt nismë e deputetit Ervin Salianji.
I pyetur nëse mbështet Salianjin, Berisha tha se do të pranojë vullnetin e demokratëve.
“E ardhmja e grupit parlamentar do jetë një grup i cili do të mbrojë në të gjithë potencialin e vet interesat e qytetarëve. Do bëjë gjithçka për të shumëfishuar kontrollet ç’ka është detyra kryesore e opozitës. Kjo qeveri nuk ka ku ta kapësh më parë. Rasti i Alda Klosit mund të jetë secila nga ministret, ministrat, Rama vetë. Unë do pranoj vullnetin. Salianji është nënkryetar grupi. Do pranoj vullnetin e deputetëve të PD. Unë u ndala në detyrat e mëdha që kanë. E morët vesh skandalin e fundit të Veliajt. Kjo nuk mund të imagjinohet, hap tenderin për ti marrë vetë paratë. Është një vit që këta do marrin përgjigjen përfundimtare”-tha Berisha.
