“Zëri i Popullit” nuk është më në treg. Gazeta zyrtare e Partisë Socialiste në versionin e printuar duket se është mbyllur me urdhër të kryetarit të Partisë Socialiste, Edi Rama i cili nuk ka pasur ndonjë simpati për të.
Atë që kërkoi para disa vitesh duket se e bëri fakt tashmë. ABC Neës e kërkoi këtë gazetë në gjashtë pika të ndryshme të tregtimit të shtypit në Tirane, por asnjëra prej tyre nuk e dispononte.
“Zëri i Popullit” me një tirazh të ulët e thuajse e papërfillshëm nga qytetarët prej kohësh nga një e përditshme ishte kthyer në një gazetë që dilte katër herë në jave, por prej dy muajsh shitësit tregojnë se ajo mungon në treg.
Gazeta “Zëri i Popullit” daton që prej vitit 1942. Ajo i rezistoi edhe ndryshimit të sistemit pas viteve ’90. Kulmi ishte viti 2005 kur ajo arriti rreth 35 mijë kopje të shitura. Por prej dy muajsh gjendet vetëm në versionin online.
