Presidenti i Ukrainës, Volodymyr Zelensky, po bën thirrje që Rusisë t’i hiqet e drejta e votës në Këshillin e Sigurimit të OKB-së, duke shtuar se veprimet kriminale të Rusisë në Ukrainë janë në prag të “gjenocidit”.
Rusia është një nga pesë vendet që që nga viti 1945 ka qenë anëtare e përhershme e Këshillit të Sigurimit të OKB-së, duke i dhënë asaj të drejtë të fuqishme vetoje mbi çdo rezolutë “përmbajtësore” që shqyrtohet nga ky organ.
Të premten Rusia përdori të drejtën e vetos për të bllokuar një rezolutë të Këshillit të Sigurimit që dënonte agresionin e Moskës dhe kërkonte tërheqjen e saj nga Ukraina.
Këshilli, u krijua pas Luftës së Dytë Botërore për të shmangur konfliktet e ardhshme dhe për të promovuar paqen, dhe ka katër anëtarë të tjerë të përhershëm përveç Rusisë: SHBA, Mbretërinë e Bashkuar, Francën dhe Kinën./Opinion.al
