Presidenti ukrainas Volodymyr Zelensky ka zhvilluar një bisedë telefonike me kryeministrin Edi Rama.
Lajmin e bëri të ditur vetë Zelensky përmes një postimi në platformën ‘X’, ku shkruan se ka informuar Ramën për zhvillimet e fundit në frontin e luftës dhe sulmet e vazhdueshme ruse.
Ai thekson se kanë diskutuar së bashku hapat që duhen ndjekur për të arritur drejt armëpushimit dhe paqes.
Po ashtu më tej, presidenti ukrainas ka informuar se Rama do të marrë pjesë në Samitin Ukrainë-Evropa Juglindore.
Postimi:
Kam pasur një bisedë të mirë me Kryeministrin e Shqipërisë @ediramaal.
Unë e informova atë për sulmet e fundit me raketa dhe dron ruse. Këto sulme tregojnë edhe një herë se Rusia nuk ka ndërmend t’i japë fund luftës. Kjo është arsyeja pse ne kemi nevojë për presion mjaft të fortë për ta ndalur përfundimisht. Ne llogarisim në të gjithë hapat e nevojshëm në këtë drejtim që do të ndërmerren në të ardhmen e afërt.
Ne diskutuam gjithashtu bashkëpunimin tonë me partnerët evropianë dhe unitetin tonë.
E ftova kryeministrin të marrë pjesë në Samitin Ukrainë-Evropa Juglindore dhe Shqipëria do të përfaqësohet.
Faleminderit, Shqipëri, për mbështetjen e Ukrainës dhe popullit tonë.
