Presidenti ukrainas Volodymyr Zelensky u takua me Mbretin Charles III në Buckingham Palace ditën e sotme.
Zelensky i’u drejtua më parë anëtarëve të parlamentit dhe u takua me kryeministrin e Mbretërisë së Bashkuar Rishi Sunak gjatë një vizite të papritur në MB.
Është planifikuar sot të takohet gjithashtu me presidentin francez Emmanuel Macron dhe kancelarin gjerman Olaf Scholz në Paris.
Kujtojmë që udhëheqësi i kohës së luftës përdori udhëtimin e tij të befasishëm në Londër në shenjë mirënjohje për mbështetjen e vazhdueshme të Mbretërisë së Bashkuar për Ukrainën gjatë pushtimit rus pasi Rishi Altar premtoi më shumë pajisje dhe trajnime të mëtejshme për trupat ukrainase, si dhe për pilotët e avionëve luftarakë dhe marinsat.
Volodymyr Zelenskyy ka marrë duartrokitje dhe brohoritje nga parlamenti teksa i bëri thirrje Mbretërisë së Bashkuar dhe Perëndimit që t’i ofrojnë Ukrainës avionë luftarakë.
Presidenti ukrainas është lideri i parë i huaj që u drejtohet parlamentarëve në Westminster Hall, pjesa më e vjetër e parlamentit, që nga ish-liderja e Mianmarit Aung San Suu Kyi, e cila tani është në burg.
I veshur me veshjen e tij të zakonshme ushtarake, Zelenskyy hyri në sallën e famshme, ku ndodhej arkivoli i Mbretëreshës . Zelenskyy bën apel të drejtpërdrejtë për Mbretërinë e Bashkuar që të dërgojë avionë.
“Ne gjithmonë do të dalim në krye të së keqes. Ne e dimë se liria do të fitojë. Ne e dimë se Rusia do të humbasë.”, ka thwnw ai.
Ai falënderoi “të gjithë njerëzit e Anglisë dhe Skocisë, të Uellsit dhe Irlandës së Veriut” për mbështetjen e tyre, në emër të “luftëtarëve tanë që tani janë nën zjarrin e artilerisë së armikut”.
“Në Britani, Mbreti është një pilot i forcave ajrore dhe sot në Ukrainë, çdo pilot i forcave ajrore është një mbret.”/Opinion.al
